Besnik Kelmendi, politikani shqiptar në Gjermani, pjesë e CDU’së, ka njoftuar se njohja e patentave shqiptare dhe kosovare për emigrantët me banim në Gjermani së shpejti pritet të bëhet më e lehtë, pasi kjo do të diskutohet në mbledhjen e Këshillit Federal, më 11 shkurt, shkruan Gazeta Metro.
Kelmendi, ka njoftuar me siguri të plotë se kjo çështje është futur në rend ditë për seancën e ardhshme të Bundesratit
“Ashtu siç ju kam informuar më 6 Janar 2022, mund t’jua them me siguri të plotë se sot zyrtarisht futet në rend ditë për seancën e ardhshme të Bundesratit, më 11 Shkurt 2022 çështja e patentave të shoferëve. Ky është një lajm shumë i mirë për të gjithë bashkëkombasit tanë që jetojnë apo që pretendojnë të zhvendosën në Gjermani”, njofton ai.
Kujtojmë, që për lejet e drejtimit nga Kosova është parashikuar konvertimi pa provime shtesë në këto kategori: AM, A1, A2, A, B, BE, C1, C1E, C, CE, D1, D1E, D dhe DE./gazetametro.net
