Microsoft komentoi performancën e sistemit operativ Windows gjatë dy viteve të fundit, në një postim në faqen zyrtare.
Aktualisht ka më shumë se 1.4 miliardë përdorues aktivë në muaj të Windows 10 dhe 11 në mbarë botën. Gjithashtu, koha e kaluar në Windows është rritur me 10 për qind krahasuar me periudhën para pandemisë.
Mesatarisht, njerëzit shpenzojnë 40 për qind më shumë kohë në kompjuterët e tyre Windows 11, sesa në Windows 10.
“Windows 11 u prit mirë nga përdoruesit dhe falë përditësimit falas, dy herë më shpejtë u mor prej klientëve sesa Windows 10”, njoftoi kompania amerikane.
Kompania gjithashtu pretendon se Windows 11 ka rezultatin më të lartë të pëlqyeshmërisë së klientit në krahasim me çdo Windows tjetër deri më tani.
