Facebook për herë të parë në këto 18 vjet përballet me rënien e përdoruesve aktivë.
Meta, kompania mëmë e Facebook-ut, gjigantit teknologjik tha se përdoruesit aktivë ditorë kanë rënë në 1.929 miliardë në tremujorin e fundit të vitit 2021, në krahasim me 1.930 miliardë në tremujorin paraardhës.
Kompania tha se do të ketë rënie të fitimeve teksa përballet me rivalët si TikTok dhe YouTube. Kjo pasi kanë rënë reklamat në faqe.
Pas njoftimit të Meta, vlera e aksioneve të kompanisë ra me 20 për qind, shifër që në vlerë monetare është 200 miliardë dollarë amerikanë.
