Këshilli i Ministrave në Shqipëri sot ka miratuar një kontratë të re me kompaninë Pfizer për 1 milion doza vaksina për vitin 2022.
Ministrja e Shëndetësisë në Shqipëri, Ogerta Manastirliu, në një postim në Facebook, ka shtuar se kontrata parashikon edhe 500 mijë doza të tjera në rast nevoje.
Manastirliu është shprehur se kontrata mundëson gjithashtu edhe vaksinimin e fëmijëve.
“Do të vijojmë të sigurojmë disponibilitetin e vaksinave në të gjitha qendrat shëndetësore”, theksoi Manastirliu.
“Jemi ende duke punuar fort për të intensifikuar mbulesën vaksinale tek grup mosha e të rinjve”, tha ajo.
