Dy nga aplikacionet e mediave sociale mund të mbledhin shumë të dhëna për ju – dhe mund të mos ju pëlqejë ajo që njëri prej tyre po bën me to.
Kjo është sipas një studimi të fundit, të publikuarnga kompania e marketingut celular URL Genius, e cila zbuloi se YouTube dhe TikTok gjurmojnë të dhënat personale të përdoruesve më shumë se çdo aplikacion tjetër i mediave sociale.
Studimi zbuloi se YouTube, i cili është në pronësi të Google, kryesisht mbledh të dhënat tuaja personale për qëllimet e veta – si gjurmimi i historisë së kërkimit tuaj në internet, apo edhe vendndodhjes suaj, për t’ju shërbyer reklama përkatëse. Por TikTok, i cili është në pronësi të gjigantit kinez të teknologjisë ByteDance, kryesisht lejon gjurmuesit e palëve të treta të mbledhin të dhënat tuaja – dhe prej andej, është e vështirë të thuhet se çfarë ndodh me to, shkruan CNBC.
