Bashkimi Evropian dëshiron të godas udhëheqjen e Moskës me paketën e saj të sanksioneve të mëtejshme, pavarësisht nëse përfshihet SWIFT.
Swift është një rrjet bankar ku bëhen transaksione bankare online me një nivel sigurie të lartë, dhe në këtë rrjet lidhen me mijëra institucione financiare.
“Ne duam paketën më të madhe të mundshme që synon sektorët industrialë, kontrollet e eksportit, financat, ndoshta një politikë vizash. SWIFT është një element, por nuk është fokusi i vëmendjes,” tha një diplomat.
Ai theksoi se SWIFT është “në tavolinë” dhe do të konsiderohet ende pavarësisht nëse përfshihet në paketën e re.
SWIFT mund të jetë i nevojshëm “për gjëra që janë shumë të rëndësishme për disa vende anëtare të BE,” tha diplomati, duke shtuar se nuk do të thotë domosdoshmërish “është i përjashtuar”.
Më herët sot, ministrat e jashtëm të Ukrainës, Letonisë, Estonisë dhe Lituanisë kërkuan që Rusia të shkëputet nga SWIFT.
Pavarësisht kësaj presidenti rus Vladimir Putin nuk është në shënjestër të drejtpërdrejtë të sanksioneve.
