Presidenti i Republikës së Shqipërisë, Ilir Meta menjëherë pas fjalimit të Zelensky ka, publikuar në median sociale Facebook, mesazhin e homologut të tij ukrainas.
Meta ravijëzon se është “frymëzues heroizmi i popullit ukrainas në luftën për liri, dinjitet kombëtar dhe vlera evropiane”.
Ai bëri thirrje të gjithëve që të mbledhin ndihma, në këtë situatë tepër kritike.
“Me përulësi ju bëj thirrje të gjithëve të ndjekim nismën e Kryqit të Kuq Shqiptar, për të mbledhur ndihma në mbështetje të popullit ukrainas që po lufton heroikisht në çdo qytet, lagje e rrugë. Humanizmi dhe solidariteti njerëzor janë tipare të çmuara të kombit tonë. Shqipëria qëndron përkrah Ukrainës dhe popullit të saj”, citoi Meta./5pyetjet.al
