Drejtori i Agjencisë për Rezervat, Resi Abduramani në një intervistë për 10 Minuta në TV21, ka apeluar te qytetarët e Maqedonisë së Veriut që mos të krijojnë panik sa i takon rezervave të produkteve ushqimore.
Ai siguron se ka mjaftueshëm rezerva ushqimore dhe se një panik i ngjashëm u krijua edhe gjatë pandemisë së Kovid-19, por atëherë qytetarët edhe pse i mbajtën për disa muaj rezervat, sërish u bindën se ka produkte ushqimore mjaftueshëm.
“Nuk ka hapësirë për shqetësim, rezerva të produkteve ushqimore elementare ka edhe sektori privat”, tha ai.
