Nëse doni të ndryshoni diçka në rutinën tuaj të kujdesit të flokëve, fillojeni me një nga gjërat më bazike: Peshqirin! Këtë ndryshim mund ta bëni nëse keni flokë të drejtë, kaçurrelë, të dëmtuar apo të prirur për të rënë shpesh, nuk ka shumë rëndësi.
Peshqirët e zakonshëm të banjës zakonisht kanë “thika” të vogla që përkeqësojnë kutikulën e flokëve ndërsa thahen, duke i ngatërruar dhe duke i bërë gjithnjë e më pak të shëndetshëm me kalimin e kohës.
Peshqirët me mikrofibër, nga ana tjetër, thithin lagështinë e tepërt për të shpejtuar kohën e tharjes dhe gjithashtu minimizojnë fërkimin në proces.
Rezultati? Flokë me pamje më të lëmuar (dhe kaçurrela më të rregullta), të cilat do të krijojnë një bazë më të mirë për rutinën tuaj të stilimit.
Pra, në thelb, peshqirët me mikrofibër mund t’i thajnë flokët shumë më shpejt dhe gjithashtu ta thithin lagështinë pa u lagur shumë vetë.
Plus, peshqirët me mikrofibër priren të qëndrojnë sipër flokëve nëse keni zakon t’i mbështillni ato. Peshqirët e tjerë rrëshqasin dhe bien, por peshqirët me mikrofibër qëndrojnë në vend.
Shumë marka thonë se “me peshqirët e tyre mund të shtojnë edhe volumin e flokëve”, por nuk ka ende asnjë provë shkencore për këtë.
/5pyetjet.al
