Detaje të reja dalin nga vrasja e dy grave në Progër të Devollit. Bukurie dhe Fatmira Bami, 60 dhe 80 vjeç, nuse dhe vjehrrë u gjetën të goditura me sende të forta në banesën e tyre. për këtë krim të rëndë policia arrestoi fqinjin e tyre, Ali Zili, 36 vjeç. Gruaja në videon më poshtë tregon se si gjeti, e para, skenën e krimit. Që nga dyshimi i parë me “gjak në tokë”, siç thotë ajo, e deri tek flokë e proteza në tokë.
Raportohet se krimi ka ndodhur gati 24 orë përpara se gratë të gjendeshin të pajeta. Natën e ngjarjes, Zili është larguar nga fshati me një taksi në drejtim të qytetit të Korçës, duke i thënë shoferit se i ishte rrëzuar nëna ndaj i kishte rrobat e gjakosura.
Rrobat ia ka dhënë më pas një endacaku në qytetin e Korçës. 36-vjeçari është munduar të fshehë gjurmët e krimit duke u larguar nga fshati. Arrestimi i Ali Zilit u bë në shtëpinë e tij. në momentin e ndalimit ai ka pasur hematoma në duar, gjë që tregon se i ka goditur viktimat edhe me grushte.
Në duart e njërës prej viktimave janë gjetur tufa flokësh të autorit të krimit. Për policinë vendore, motivi i ngjarjes mbetet grabitja.
