Qendra e masazhit e cila ishte kthyer në një vend ku ushtrohej aktiviteti i paligjshëm i prostitucionit, është zbuluar në Tiranë.
Policia e kryeqytetit informon se ambienti i marrë me qira në rrugën ‘Sami Frashëri’ në Tiranë ishte përshtatur si qendër masazhi mirëpo në të vërtetë ushtrohej prostitucion. Në pranga ka rënë pronari i ambientit, personi me inicialet A.D, 29-vjeç. Ndërsa dy punëtoret e moshave 19 dhe 20-vjeçe u ndaluan nga policia dhe do të akuzohen për veprën penale “Prostitucioni”.
Në rrjetet sociale, puna reklamohej ndryshe. Aty shkruhej:
Me vajzat tona super të afta’, si qendra e masazhi në Tiranë reklamonte në rrjetet sociale prostitucionin: Nuk zgjidhim hallet tuaja, por ju bëjmë t’i harroni ato
“Ne nuk zgjidhim hallet tuaja, por ju bëjmë t’i harroni ato”…kjo është motoja që përdorte kjo qendër masazhi për të thithur klientët e tyre. Ato herë pas here paraqesin në faqen e tyre në rrjetet sociale oferta të ndryshme.
NJOFTIMI I POLICISË:
Finalizohet operacioni policor i koduar “Camouflage”. Operacioni policor i zhvilluar nga Seksioni për Hetimin e Trafiqeve të Paligjshme. Kishte përshtatur banesën e marrë me qira si qendër masazhesh dhe ushtronte aktivitetin e kundërligjshëm të prostitucionit, vihet nëpranga pronari. Procedohen penalisht dhe dy punëtoret e qendrës së masazheve. Specialistët e Seksionit për Hetimin e Trafiqeve të Paligjshme në DVP Tiranë, në vijim të punës për goditjen e paligjshmërisë, bazuar dhe në informacionet e marra në rrugë policore, se një shtetas kishte përshtatur një banesë të marrë me qira, si qendër masazhesh ku ushtrohej prostictucion, organizuan dhe finalizuan operacionin policor të koduar “Camouflage”, në kuadër të të cilit u bë ndalimi i shtetasit: – A. D., 29 vjeç, për veprat penale “Shfrytëzimi i prostitucionit” dhe “Mbajtja e lokaleve për prostitucion”.
Ky shtetas, pasi kishte marrë një ambient me qira, në rrugën “Sami Frashëri”, e kishte përshtatur si qendër masazhesh ku kishte të punësuara dy shtetase, dhe përveç aktivitetit të regjistruar ligjërisht, ushtronin dhe aktivitetin e kundërligjshëm të prostitucionit. Në vijim të veprimeve u proceduan penalisht dy punëtoret, shtetaset F. D., 19 vjeçe dhe E. T., 20 vjeçe, për veprën penale “Prostitucioni”. Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme procedurale.
/5pyetjet.al
