“Lufta nuk është vetëm agresioni në tokën ukrainase. Është edhe një betejë e ashpër e shpërndarjes së informacionit”.
Presidenti i Ukrainës, Volodymyr Zelensky, duket se e ka mjaft të qartë se si zhvillohet sot lufta jo vetëm fizike midis ushtarëve, por edhe ajo për ekranin, nëpërmjet informacioneve që shpërndahen në media sociale me shpejtësi të skëterrshme.
Pikërisht për këtë fakt, nëpërmjet një postimi në Twitter, ai ka gjetur rastin të falënderojë kompaninë Meta dhe të tjerë, për punën që po bëjnë me mbajtjen hapur të kanaleve të informacionit global.
