Gjykata Ndërkombëtare e Drejtësisë në Hagë ka urdhëruar Rusinë të pezullojë pushtimin e Ukrainës.Ky është një vendim detyrues i dhënë me 13 vota pro dhe 2 kundër.
Federata Ruse do të duhet të pezullojë menjëherë operacionet ushtarake që filloi më 24 shkurt.
Vendimi i gjykatës është vendimi i parë i tillë i dhënë nga një gjykatë ndërkombëtare që nga fillimi i luftës në Ukrainë më 24 shkurt.
Kievi akuzon Moskën për përpjekje të paligjshme për të justifikuar luftën.
Përfaqësuesi i Ukrainës, Anton Korynevych, kërkoi të detyronte GJND-në të urdhëronte Rusinë që “të pezullonte menjëherë operacionet ushtarake”.
“Rusia duhet të ndalet dhe gjykata ka një rol për të luajtur,” tha ai.
Rusia bojkotoi seancat e GJND-së në fillim të këtij muaji.
Në një dosje me shkrim, Moska argumentoi se gjykata “nuk kishte juridiksion” sepse kërkesa e Ukrainës binte jashtë fushëveprimit të Konventës së Gjenocidit të OKB-së të vitit 1948, mbi të cilën ajo bazoi çështjen e saj.
Rusia vazhdoi duke thënë se “po vepronte në vetëmbrojtje” për të justifikuar pushtimin e saj në Ukrainë.
Ukraina tha se, Konventa e Gjenocidit, të cilën të dy vendet e kanë nënshkruar, nuk lejon një pushtim për të parandaluar një gjenocid. Nuk ka asnjë provë se Ukraina ka kryer apo planifikuar sulme që mund të konsiderohen si krime kundër njerëzimit.
