Super jahti i Roman Abramovich i cili ishte ankoruar në Mal të Zi ditët e fundit, lundroi për në Bodrum, Turqi.
Sipas MarineTraffic, “Solaris” kaloi nëpër ujërat e vendeve anëtare të Bashkimit Evropian që kanë vendosur sanksione ndaj Abramovich dhe disa oligarkëve të tjerë rusë.
Anija luksoze 140 metra, e cila gjithashtu ka një platformë helikopterike, u nis nga Barcelona javën e kaluar, dy ditë përpara se qeveria e Mbretërisë së Bashkuar të vendoste sanksione ndaj Abramovic.
Abramovich dhe miliarderë të tjerë rusë iu shtuan listës së sanksioneve të BE-së javën e kaluar që përfshinte tashmë dhjetëra rusë të pasur dhe qeveritë e BE-së po ndërmarrin hapa për të sekuestruar jahte dhe asete të tjera luksoze.
Javën e kaluar, Abramovich fluturoi për në Moskë nga Stambolli me avionin e tij privat.
Sipas të dhënave të gjurmimit të fluturimeve, ishte lundrimi i dytë me avion i lidhur me Abramovich midis qytetit turk dhe kryeqytetit rus në tre ditë.
Jahti u ndërtua në një kantier detar gjerman dhe u hodh në treg për herë të parë në fillim të vitit të kaluar.
Është një nga një seri jahtesh në pronësi të Abramovich, sipas raporteve në edicionet e mallrave luksoze SuperYachtFan, SuperYacht Times dhe Forbes.
