Drejtoresha e Përgjithshme e Agjensisë Kombëtare të Veterinarisë dhe Mbrojtjes së Bimëve (AKVMB), Tana Kika është pezulluar nga detyra.
Ky largim vjen në një kohë kur në Shqipëri është konfirmuar gripi i shpendëve.
Ndërkohë Prokuroria e Durrësit ka nisur edhe një hetim lidhur me zhvillimet e fundit dhe përhapjen e gripit të shpendëve.
Ditën e sotme Kika në një intervistë për mediat tha se Shqipëria ndodhet në gjendje alarmi pas konfirmimit të gripit të shpendëve.
Kujtojmë që AKVMB është një institucion i krijuar së fundmi, i cili do të kishte rol të rëndësishëm në ofrimin e shërbimit veterinar për kafshët dhe në sigurinë e ushqimeve me origjinë shtazore.
Por vetëm në pak ditë raportohet se ka mbi 300 mijë pula të ngordhura dhe dyshohet se nuk është respektuar karantina.
Ministria e Bujqësisë ka njoftuar më herët se po monitoron situatën dhe theksoi se pas njoftimit të dhënë nga Organizata Botërore e Shëndetit të Kafshëve, për praninë e virusit të Gripit të shpendëve në disa vende të rajonit dhe më gjerë u hartua një plan masash mbrojtëse.
