Nëntë “korridore humanitare” janë rënë dakord për evakuimin e civilëve të bllokuar në qytetet e Ukrainës. Këtë e ka bërë të ditur zëvendëskryeministrja e Ukrainës, Iryna Vereshchuk.
Por në një postim në median sociale Facebook, ajo tha se një kalim i sigurt nga Mariupol nuk është rënë dakord me Rusinë.
Ajo shtoi se shpreson që njerëzit që dëshirojnë të largohen nga qyteti mund të arrijnë në Berdyansk aty pranë, ku presin ndihma humanitare si ilaçet. Ajo theksoi se 24 autobusë janë në gatishmëri për transportin e njerëzve.
Disa nga përpjekjet e mëparshme për të evakuuar njerëzit nga Mariupol kanë dështuar pasi forcat ruse vazhduan të bombardojnë qytetin port ukrainas pavarësisht një armëpushimi të përkohshëm të rënë dakord.
Kujtojmë që kjo është dita e 28-të e luftimeve mes Rusisë dhe Ukrainës. Kjo e fundit ka bërë një rezistencë të lartë kundër trupave dhe bombardimeve ruse.
