Psikologët kane shpjeguar se për të pasur një marrëdhënie të lumtur në çift duhet ta fillosh nga tre gjëra kryesore, tëp cilat duhet të jenë pjesë e pandashme e rutinës në një lidhje dashurore.
Bëhet fjalë për tre zakonte tepër të thjeshta siç janë përshëndetja, komunikimi pa ndërhyrje dhe mirënjohja, por që luan një rol tepër kyç në çift.
Përshëndetja
Mund të tingëllojë krejtësisht e parëndësishme, por mënyra se si e përshëndetni partnerin kur ktheheni në shtëpi është shumë e rëndësishme. Përpiquni ta përshëndesni partnerin tuaj çdo ditë me një përqafim dhe një puthje.
Komunikimi pa ndërhyrje
Në botën e sotme, ne kemi shumë shpërqendrime, veçanërisht: televizor, telefon, tablet etj. Edhe kur nuk mbajmë asgjë në duar ose nuk shikojmë ekranin, zakonisht shpërqendrohemi. Si fillim, merrni vetëm dy minuta në ditë: gjatë kësaj kohe, përqendrohuni vetëm te partneri dhe biseda.
Mirënjohja
Secili prej nesh duhet të ndihet i vlerësuar. Fatkeqësisht, shpesh e harrojmë këtë fakt dhe kjo vlen edhe për partnerin. Kushtojini vëmendje në gjithçka që partneri juaj bën për ju dhe mos harroni ta falënderoni me zë të lartë.
