Fëmijët përbëjnë gjysmën e 3.8 milionë refugjatëve nga Ukraina që kanë mbërritur në Bashkimin Evropian që nga pushtimi rus. CNN shkruan se këtë gjë e ka bërë me dije komisionerja e BE-së për Çështjet e Brendshme, Ylva Johansson.
Numri i të ardhurve është në rënie. Në kulmin, ne kishim 200,000 ardhje në ditë, tani është ulur në 40,000 në ditë,” tha ajo.
Johansson, e cili po fliste pas një takimi të ministrave të brendshëm të BE-së në Bruksel, shtoi se 800,000 nga 3.8 milionë të ardhur kanë aplikuar tashmë për mbrojtje të përkohshme në BE. Zyrtarja njoftoi gjithashtu se ministrat e brendshëm të BE-së kishin rënë dakord për një platformë të gjerë të BE-së për regjistrimin e refugjatëve që mbërrijnë dhe aplikojnë për mbrojtje të përkohshme në bllok, me koordinim në nivel BE për qendrat e transportit dhe informacionit.
Komisioneri i BE-së vuri në dukje se udhëzimet e përbashkëta për pritjen dhe mbështetjen e fëmijëve, përfshirë të miturit e pashoqëruar, si dhe një plan kundër trafikimit ishin miratuar nga ministrat e BE. Mungesa e një qasjeje uniforme për menaxhimin e fluksit të refugjatëve gjatë dhe pas krizës së migracionit të vitit 2015 ka qenë një pikë mosmarrëveshjeje në bllok. Duke paralajmëruar për nevojën e planifikimit të mëtejshëm të emergjencës për refugjatët, ajo tha, ne duhet të jemi të përgatitur për shumë miliona të tjerë që mund të kenë nevojë të ikin nga Ukraina.
