Policia e Durrësit ka dhënë detaje në lidhje me helmimin e punonjësve të një fasonerie në këtë qytetet.
Policia bën të ditur se mesditën e së hënës janë paraqitur në spitalin e Durrësit, shtetaset O. A., 41 vjeçe, A. R., 26 vjeçe, M. Xh., 30 vjeçe, A. Gj., 35 vjeçe dhe J. K., 38 vjeçe, të cilat dyshohet se janë helmuar në ambientet e punës, në një firmë në autostradën Durrës-Tiranë.
Aktualisht ndodhen nën kujdesin e mjekëve, jashtë rrezikut për jetën. Grupi hetimor ndodhet në vendngjarje dhe po punon për sqarimin e rrethanave të ngjarjes.
Më herët, punonjëset deklaruan se brenda ambienteve të fasonerisë ishte hedhur bar miu, që si duket ka shkaktuar të vjella dhe gjendje të fikëti.
