Më shume se 250,000 refugjatë ukrainas kanë aplikuar për viza speciale afatgjata që nga fillimi i pushtimit rus, sipas Ministrisë së Brendshme çeke.
Një total prej 251,713 ukrainas kanë aplikuar për të qëndruar në vend që nga fundi i shkurtit, sipas shifrave të fundit të ministrisë të publikuara të enjten.
Të enjten, 2,909 refugjatë u regjistruan pranë autoriteteve çeke. Ky numër ra nën mesataren shtatëditore prej 3,554 ardhjesh në ditë.
Duke qenë se ukrainasit nuk kanë nevojë për viza për të hyrë në Republikën Çeke, numri i refugjatëve në vend ka të ngjarë të jetë dukshëm më i lartë, tha një zyrtar i shtypit i Ministrisë së Brendshme çeke për CNN.
