Kryeministri i Bullgarisë, Kiril Petkov, të shtunën, ishte në qytetin e Manastirit në Maqedoninë e Veriut, nga ku ka theksuar nevojën për raportet të mira ndër fqinjësore, jo vetëm mes këtyre dy shteteve, por edhe më gjerë në rajonin e Ballkanit Perëndimor. Kjo do të sjellë stabilitet në rajon.
Duke folur për mosmarrëveshjet mes dy vendeve që ka të bëjë me të kaluarën historike si dhe me respektimin e të drejtave të pakicës bullgare në Maqedoninë e Veriut, Petkov tha se dy qeveritë po punojnë në mënyrë intensive për gjetjen e një zgjidhjeje të pranueshme.
Arritja e një zgjidhjeje do të mundësojë heqjen e vetos bullgare për nisjen e bisedimeve të anëtarësimit në BE të Maqedonisë së Veriut, që është vendosur në nëntor të vitit 2020.