Senati amerikan ka regjistruar një rezolutë që njeh Federatën Ruse si sponsor shtetëror të terrorizmit.
Lajmi u bë i ditur nga Zëri i Amerikës.
Dokumenti u bashkë-sponsorizua nga senatori demokrat Richard Blumenthal dhe senatori republikan Lindsey Graham.
Në rezolutë, Senati i njeh veprimet e qeverisë ruse nën kryesimin e presidentit Vladimir Putin si akte terrorizmi.
Përveç kësaj, senatorët i bënë thirrje Sekretarit amerikan të Shtetit Anthony Blinken që të njohë Federatën Ruse si financues shtetëror të terrorizmit.
“Kjo njohje do të jetë e rëndësishme në ligjin amerikan. Janë vetëm katër vende me një njohje të tillë: Kuba, Siria, Irani dhe Koreja e Veriut. Ne po mundohemi të përfshijmë Rusinë në këtë listë që të jetë e pesta”, u shpreh Lindsey Graham gjatë prezantimit të rezolutës.
Ai shtoi se për 20 vjet Putin-i i ka shpëtuar përgjegjësisë për vrasjet, kështu që tani është koha për ta njohur atë për atë që bën.
“Ai është një terrorist. Dhe Rusia është në duart e një shteti terrorist të drejtuar nga Putin”, shtoi senatori republikan.
