Ministrja e Jashtme franceze Catherine Colonna bëri thirrje për një hetim transparent lidhur me vdekjen e gazetarit francez të BFMTV-së, Frederic Leclerc Imhoff në rajonin e Luhansk-ut.
“Vdekja e Frederic Leclerc Imhoff, një gazetar i BFM-së i vrarë sot gjatë mbulimit të një operacioni për evakuimin e ukrainasve pranë Severodonetsk-ut, është thellësisht tronditëse. Unë e dënoj atë dhe shpreh ngushëllimet tona për familjen dhe kolegët e tij”, u shpreh Colonna.
Kryediplomatja franceze bëri të ditur se autoritetet kërkojnë nisjen sa më të shpejtë të hetimeve.
Kjo, për të zbardhur rrethanat e “kësaj tragjedie”.
Sipas saj, Franca rikonfirmon angazhimin e saj të vazhdueshëm dhe të fortë për lirinë e shtypit në mbarë botën dhe për mbrojtjen e gazetarëve dhe të gjithë atyre, deklaratat e të cilëve promovojnë informacionin e lirë dhe debatin publik.
