Deputeti i Partisë Socialiste, Erion Braçe nuk i ka kursyer kritikat ndaj qeverisë dhe veçanërisht ndaj ministres së Bujqësisë, Frida Krifca.
Duke marrë shkas nga një postim në rrjetin social Facebook i ministres së Bujqësisë Frida Krifca, në të cilin fshati Bubullimë konsiderohej i Divjakës, Braçe i ka bërë ministres një leksion, duke i shpjeguar se ky fshat ndodhet në Lushnje.
“Ooooo Zottttt! Bubullima nuk është në Divjakë është në Lushnje. Çmimi i shalqinit sot në Divjakë 15 lekë; Kur t’i piqet Turit siç e njohim ne, e Apostolit sipas jush, çmimi do të jetë 4-5 lekë!”, ka shkruar Braçe në një story të publikuar në Instagram.
Pas reagimit të deputetit socialist, statusi i ministres është edituar dhe tashmë është rregulluar.
