Një punonjës i ujësjellësit të bashkisë Himarë ka rënë duke u aksidentuar në Manë e Çikës. Ai ishte së bashku me disa kolegë të tjerë në momentin që ra në humnerë.
“Rreth orës 11:20, në sallën operative të DVP Vlorë, është marrë njoftim se disa punonjës të Ujësjellësit në Bashkinë Himarë, ndodhen në malin e Çikës dhe se njëri prej tyre, shtetasi A. A., rreth 55 vjeç, është rrëzuar aksidentalisht dhe për pasojë është dëmtuar” thotë policia.
Në vendngjarje janë nisur shërbimet e Komisariatit të Policisë Himarë dhe shërbimet e emergjencës, për të bërë të mundur transportin në spital.
