Ankthi financiar shkaktohet nga pasiguria, frika, shqetësimi dhe gjithë emocionet e tjera negative që lidhen me mungesën e parave. Ata që vuajnë nga ankthi financiar kanë një shqetësim kronik dhe frikë të vazhdueshme në lidhje me faturat që kanë për të paguar, shpenzimet e përditshme, investimet, etj, etj.
Traumat e pazgjidhura financiare gjatë jetës mund të na çojnë drejt këtij lloj ankthi, por kjo s’do të thotë ta lejoni të bëhet pengesë apo problem për të arritur qëllimet dhe objektivat në jetë. Si mund ta përballoni ndjesinë e sikletshme që vjen prej ankthit financiar?
1.Shihini me sy pozitiv financat tuaj dhe kuptoni realisht çfarë ju shqetëson
Pyeteni veten më shpesh sesi do të ishin ditët e tua të së ardhmes dhe si do të ndiheshe nëse nuk do shqetësohesha kaq shumë për paratë. Merrni një letër dhe shkruani gjërat që doni që paratë të bëjnë me ju. Pastaj, kuptoni çfarë ju emocionon më shumë.
- Njihu me identitetin tënd financiar, kështu që mund të punosh dhe përmirësosh tendencat e tua natyrale në lidhje me paratë
Duhet ta njohësh mirë veten dhe sjelljen që ke kundrejt të ardhurave. Duke bërë këtë, bëhesh më e kujdesshme dhe ndihmon veten të jesh më e përgatitur në ditët e pasigurta. Nëse jeni njerëz që s’keni frikë të rrezikoni, mund të vazhdoni të investoni për të arritur aty ku doni. Kështu s’do ta pyesni më veten për çdo qindarkë të harxhuar dhe rrjedhimisht ankthi financiar do të reduktohet.
- Zgjidh diçka që mund të bësh tani që do të të bënte të ndiheshe shumë më mirë në lidhje me raportin me paratë.
Filloni me ndryshime të vogla që lidhen me paratë. Nuk ka rëndësi sa të pavlera duken për momentin, e rëndësishme është t’i bëni në mënyrë të qëndrueshme. Jepi vetes një arsye për t’u ndjerë krenare, pavarësisht shumës së kursyer.
- Redukto shpenzimet e panevojshme.
Kjo do të të bënte të ndjeje se i ke gjërat më në kontroll. Nuk ka rëndësi si keni vepruar deri më tani. Nesër është një ditë e re dhe ju mund t’ja nisni nga e para. E rëndësishme është të reflektoni mbi gabimet dhe të ndryshoni zakonet që mendoni se janë të tepruara për financat tuaja aktuale. Mund të duket paksa e vështirë fillimisht, por në afatgjatë do të merrni frymë lirisht!
