Anëtarin e Delegacionit të Bisedimeve të Paqes, deputeti Rustem Umerov ka mbërritur në Shqipëri, ku është pritur nga deputeti socialist Taulant Balla.
Nëpërmjet një postimi në Facebook, Balla ka shprehur se vendi ynë do të ofrojë mbështetje të më tejshme për hetimin e të gjitha krimeve të luftës.
“Shumë i nderuar të mirëpres në Kuvendin e Shqipërisë të Dërguarin Special të Presidentit të Ukrainës Volodymyr Zelenskyy, Anëtarin e Delegacionit të Bisedimeve të Paqes, deputetin Rustem Umerov.
Shqipëria dënon ashpër agresionin e paprovokuar dhe të pajustifikuar të Ukrainës nga Rusia. Ne qëndrojmë në krah të popullit ukrainas dhe e konsiderojmë këtë agresion si një sulm kundër lirisë dhe demokracisë,” ka shkruar ai.
