Qeveria e re e Estonisë u betua të hënën, duke siguruar një shumicë qeverisëse për kryeministren Kaja Kallas.
Lëvizja vjen pasi Kallas dha dorëheqjen javën e kaluar, duke hapur rrugën për formimin e një koalicioni të ri me partinë e saj dhe partinë konservatore, Isamaa.
Kallas nuk humbi kohë për të treguar sfidat me të cilat përballet ekonomia e Estonisë e goditur nga rritja e kostove të energjisë dhe inflacioni i shfrenuar.
“Do të jetë një vjeshtë shumë e vështirë, një dimër shumë i vështirë dhe zgjedhjet do të jenë pas kësaj”, i tha ajo “Reuters”.
Estonia dhe vendet e tjera baltike ndaluan importet e gazit rus pas pushtimit të Ukrainës nga Moska.
Që atëherë vendi ka kërkuar të sigurojë furnizime nga burime jo-ruse gjatë dimrit të ardhshëm.
Qeveria e re do të zgjasë deri në zgjedhjet e marsit 2023.
“Koha që kjo qeveri të bëjë punën e saj nuk është e gjatë, ndërsa problemet që duhet të zgjidhen janë shumë më serioze se zakonisht”, tha presidenti Alar Karis.
