Tani është zyrtare. Erdhi prezantimi. Paulo Dybala është lojtar i Romës. Klubi v ka bërë të ditur se lojtari ka nënshkruar deri më 30 qershor 2025 dhe se do të mbajë numrin 21 në fanellë.
“Ditët që më çuan te ky nënshkrim ishin një kombinim i shumë emocioneve: vendosmëria dhe shpejtësia me të cilën Roma tregoi se më donte mua bëri ndryshimin.
Vij në një ekip në rritje, me një klub që vazhdon të vendosë themele gjithnjë e më të forta për të ardhmen dhe një trajner, José Mourinho, me të cilin është një privilegj të punoj.
Si kundërshtar e admirova atmosferën e krijuar nga tifozët e verdhekuq, pres me padurim që t’i përshëndes me fanellën e Romës” tha ai.
