Në vetëm pak vite, Dua Lipa ka fituar titullin e ikonës së modës. Ajo nuk është vetëm një yll i suksesshëm i pop-it, por edhe një nga vajzat që sjell e para tendencat më të fundit të modës dhe që nuk ka frikë kurrë të guxojë.
Ajo lançon gjithmonë të rejat e modës, falë stilistit të saj të pandashëm, Lorenzo Posocco i cili e ndjek në të gjitha ndryshimet e stilit, shkruan “Vogue.it”.
Veshja e fundit është një ëndërr, një bikini tërësisht i kristaltë i shoqëruar me një fund të gjatë të bardhë dhe një palë këpucë me platformë të lartë.
Dua Lipa është adhuruese e modës Y2K dhe daljet e saj me këtë veshje kanë kontribuar në përhapjen e këtij stili, duke filluar me rikthimin e pantallonave me bel të ulët, të cilat shkaktuan shumë bujë dhe që u kthyen në trend.
