Njerëzit në të gjithë Afrikën e Jugut po marrin pjesë në një grevë mbarëkombëtare në shenjë proteste kundër rritjes së kostos së jetesës. BBC shkruan se duke kënduar këngë nga lufta për çlirimin e vendit, mijëra njerëz marshuan drejt zyrës së presidentit, duke kërkuar uljen e çmimeve të karburanteve dhe ushqimeve.
Por ekonomia nuk është mbyllur ashtu siç kishin shpresuar sindikatat. Inflacioni ka arritur gati 8% – më i larti në 13 vjet – dhe rreth një e treta e afrikano-jugorëve janë të papunë. Mijëra protestues kanë marshuar, duke brohoritur dhe duke mbajtur pankarta duke i bërë jehonë ankesave të njohura nga punëtorët në mbarë botën: “Thuaj jo inflacionit të lartë” dhe “Ndaloni rritjen e madhe të çmimit të benzinës”.
Dy grupimet më të mëdha të sindikatave të vendit, të cilët thirrën grevën, i kërkuan qeverisë të ndërhyjë për të kufizuar çmimet e karburantit, për të ulur normat e interesit dhe për të futur një të ardhur bazë universale prej rreth 90 dollarë (75 £) në muaj. Sindikatat thanë se rreth 5,000 njerëz morën pjesë në mitingje në të gjithë vendin.
“Mos u ankoni; Mobilizoni ose vdisni nga uria”, ishte mesazhi për ata që pyesnin nëse do të merrnin pjesë në grevë në një poster nga Federata e Sindikatave të Afrikës së Jugut (Saftu).
