Kryeministri i Japonisë, Fumio Kishida, ka thënë se po sheh mundësinë e krijimit të centraleve të reja bërthamore.
Ky shtet ka pezulluar disa prej centraleve të tilla që ka pasur, pas katastrofës së vitit 2011 në Fukushima.
Kishida ka thënë se lufta në Ukrainë dhe rritja e çmimeve të energjisë, kanë rritur nevojën për diversifikim të burimeve të energjisë.
Ai ka shtuar se energjia bërthamore mund të duhet për të përmbushur synimin e Japonisë që të bëhet neutrale ndaj karbonit më 2050.
Qeveria do të diskutojë edhe mundësinë e riaktivizimit të centraleve ekzistuese që janë mbyllur.
Japonia është përballur me situatë emergjente më 2011, pasi një tërmet i fuqishëm ka nxitur një cunami, dhe për pasojë janë vërshuar reaktorët.
Si pasojë e rrezikut të rrezatimit janë evakuuar 150.000 persona nga ajo zonë.
Japonia ka pasur 50 reaktorë të fuqishëm, mirëpo ka pezulluar punën e 46 prej tyre pas kësaj katastrofe
Deri në prill të vitit 2021, nëntë reaktorë i janë rikthyer punës derisa 14 të tjerë janë duke u analizuar.
