Rregullatori britanik “Ofegem”, njoftoi të premten një rritje të kostos marxhinale të energjisë elektrike, për familjet.
Kjo shifër është pothuajse 80 për qind më shumë se faturimi i mëparshëm.
Lajmi u bë i ditur nga trasmetuesi “Sky News”.
Rritja do të thotë se përdoruesi mesatar do të paguajë 1 mijë e 578 paundë shtesë për energjinë e tyre elektrike – nga 1 mijë e 971 paundë pas rritjes së mëparshme në prill.
Sipas vlerësimeve të “Sky News”, rritja do të prekë rreth 24 milionë familje në Britani, ndërsa një në tre familje tashmë po lufton për të paguar kompensimin e tyre.
Në maj, kur qeveria britanike miratoi masa për të ndihmuar qytetarët në mes të çmimeve në rritje, ajo parashikoi një rritje të kostos së energjisë elektrike në rreth 2 mijë e 800 paundë.
Mbështetja financiare për familjet është 400 stërlina, por tani nuk do të jetë e mjaftueshme.
Partitë Laburiste dhe Liberal Demokratët e opozitës, si dhe furnizuesit kryesorë të energjisë elektrike, i kërkuan qeverisë të ngrijë çmimet e energjisë elektrike.
Por kryeministri aktual, Boris Johnson, nuk e mori kurrë vendimin, duke ia lënë atë pasuesit të tij.
Një rritje e mprehtë e kostos së energjisë elektrike në Britani ka të ngjarë të përshpejtojë inflacionin, i cili, sipas Bankës së Anglisë, do të arrijë në 13 për qind në vjeshtë.
Në të njëjtën kohë, në korrik ky tregues ishte tashmë 10.1 për qind, që është një rekord për 40 vitet e fundit.
