Fitorja e Florian Markut u festua gjatë, madje u përshëndet edhe nga kryeministri Rama.
Megjithatë, një mendim krejtësisht të ndryshëm ka trajneri i kombëtares shqiptare të boksit, Zef Gjoni.
Ai nuk pranon aspak, që ta quajnë si një fitore të madhe, teksa ka komentuar ndeshjen e ditës së djeshme. Gjoni tha se Marku kishte një kundërshtar të dobët.
Zef Gjoni ka rezerva edhe titullin nga një federatë, që sipas tij, është inekzistente.
Trajneri i ekipit kombëtar shprehu keqardhjen e tij për organizatorët e evenimentit, pasi ai nuk mori një ftesë për të qenë në ‘Air Albania’, por e pa ndeshjen nga televizori.
Në fund, Zef Gjoni këmbëngul të theksojë se Shqipëria ka boksierë më të mirë se sa Florian Marku, si Alban Beqiri dhe Denis Nurja. Janë specialist, janë një nivel më lartë se Marku.
