Ministria e Mbrojtjes e Britanisë së Madhe njoftoi sot se do t’i japë Ukrainës gjashtë dronë nënujorë për ta ndihmuar që të pastrojë bregdetin e saj nga minat.
Britania e Madhe gjithashtu do të trajnojë dhjetëra personel të marinës ukrainase për përdorimin e dronëve, tha ministria në një deklaratë.
“Droni përdoret për zbulimin dhe identifikimin e objektivave. Është i lehtë për t’u operuar, i fortë, i vështirë për t’u zbuluar dhe veçanërisht i përshtatshëm për luftime në zonat urbane”, tha Ministri i Mbrojtjes i Norvegjisë, Bjørn Arild Gram.
Ministria shtoi se Ukraina kishte kërkuar për këtë lloj pajisjeje për të ndihmuar në luftimin e luftës.
“Këta dronë të fundit do të ndihmojnë për t’u dhënë trupave të Ukrainës një avantazh jetik në fushën e betejës”, tha Sekretari i Mbrojtjes i Mbretërisë së Bashkuar, Ben Wallace.
