Dy italianë janë bërë pjesë e një përplasje fizike në futbollin turk. Mario Balotelli ka treguar edhe një herë se edhe pse vitet kalojnë, ai nuk ndryshon.
Sulmuesi italian u përplas ditën e sotme me trajnerin Vinçenco Montela, pas triumfit 1-0 që skuadra e Adana Demirspor, arriti në shtëpi ndaj Umranijesporit te Ermir Lenjanit.
Goli i fitores u shënua nga Rodriguez, teksa Baloteli u hodh në fushë në minutën e 46-të, duke zënë vendin e rusit Dzyba.
Për sa i përket përplasjes mes Balotetit dhe Montelës, incidenti shpërtheu në fushë pas vërshëllimës së fundit të gjyqtarit.
Baloteli me sa duket i tha diçka Montellës teksa po largohej, trajneri më pas u kthye dhe u hodh drejt sulmuesit.
Ndërkohë që falë ndërhyrjes së anëtarëve të stafit, u bë e mundur parandalimi i një konfrontimi të turpshëm. Kjo nuk është hera e parë që Baloteli përfshihet në të tilla situate.
