Ministria e Mbrojtjes e Tajvanit njoftoi sot se forcat e armatosura rrëzuan një dron civil, me pronësi të paqartë, pasi shkeli hapësirën ajrore të ishujve Kinmen, një distancë e shkurtër nga qytetet kineze të Xiamen dhe Guangzhou.
Në njoftimin për shtyp të publikuar nga ministria, shtohet se do të vazhdojë të hetojë incidentin dhe të monitorojë hapësirën ajrore për të garantuar sigurinë e saj.
Sipas bazës së të dhënave AFP, e cila përdor numrat e Ministrisë së Mbrojtjes së Tajvanit, 446 avionë kinezë, kryesisht avionë luftarakë, shkelën zonën e identifikimit të mbrojtjes ajrore të ishullit (ADIZ) në gusht, me fjalë të tjera më shumë se 380 që kishin bërë të njëjtën gjë në të gjithë 2020.
Gushti u shënua nga një rritje dramatike e shkeljeve të ADIZ-it të ishullit, pasi Pekini organizoi stërvitje të paprecedentë ushtarake në shenjë proteste ndaj një vizite në Taipei nga kryetari i Dhomës së Përfaqësuesve të SHBA dhe zyrtarë të tjerë.
