Mbrojtja e Ukrainës vazhdon të konsolidojë territoret e çliruara në pjesën lindore të vendit ndërsa forcat ruse rigrupohen, tha ushtria ukrainase.
“Armiku po rigrupon trupat në drejtime të veçanta, po kërkon mënyra për të tërhequr rezervat dhe po kryen zbulim ajror. Inspektimet janë duke u intensifikuar në vendbanimet e okupuara”, tha Komanda Operative Jugore e ushtrisë.
Zyrtarët e përshkruajnë situatën në rajonin jugor të Khersonit si “të tensionuar” dhe një zyrtar ushtarak rajonal tha se situata humanitare në vendbanimet e çliruara është e vështirë.
“Ndihma humanitare (ujë, ushqim) hyn në vendbanimet e deokupuara. Detyrat kryesore janë sigurimi i njerëzve me ujë, energji elektrike, dru zjarri dhe materiale ndërtimi, “tha Serhii Khlan, një këshilltar ushtarak ukrainas, në TV kombëtar të dielën.
