Presidenti Volodymyr Zelenskyy tha se janë zbuluar qindra trupa në një varr masiv pranë qytetit Izium në pjesën lindore të Ukrainës.
Një ekip gazetarësh nga rrjeti amerikan ABC News ishte në pyllin ku janë zbuluar qindra të varrosur pas tërheqjes së trupave ruse nga rajoni i Kharkiv-it.
Zyrtarët në Kharkiv thonë se kanë regjistruar prova për mbi 30 mijë krime lufte. Varri masiv në këtë pyll është dëshmi e frikshme e mizorive ruse në lindje dhe veri të Ukrainës.
Qindra kryqe druri pushtojnë pyllin pranë qytetit Izium të çliruar kohët e fundit nga focat ukrainase.
Ekipet mjekoligjore po punojnë në një pjesë të vogël të pyllit. Shumica e kryqeve të drurit kanë vetëm numra.
