Një incident i frikshëm ka ndodhur në festivalin tradicional të vrapimi të demave në Spanjë. Një nga spektatorët provokoi demin nga podiumi teksa ishte në arenë.
Pamjet e publikuara nga Daily Malil tregojnë spektatorët që ulërinin teksa burri i pafat kapet përtokë nga demi dhe goditet pa ndalim gjatë festës së djeshme në festivalin ‘Humanes de Madrid’.
Video tregon burrin që mbetet i palëvizur në trotuar pasi demi gris me brirë bluzën e tij duke e sulmuar me tërbim.
I plagosuri u dërgua me urgjencë në spital në Fuenlabrada e Getafe.
Sulmi i demit është i disati gjatë festivaleve të sivjetshme në rajonin e Madrid, ku demat lëshohen nëpër rrugët e ngushta te kalldrëmit dhe ndiqen ose provokohen nga vrapuesit që sillen rreth tyre.
