Më shumë se 500,000 familje kanë mbetur pa energji në brigjet e Kanadasë të Atlantikut, i cili po goditet nga cikloni Fiona, sipas shifrave të publikuara nga ofruesit e energjisë.
Vetëm në provincën e Nova Scotia, operatori Nova Scotia Power raportoi se 414,163 klientë ishin pa energji elektrike.
Shërbimi meteorologjik i Kanadasë ka shumëfishuar paralajmërimet për qytetarët për këtë mot të keq që cilësohet si “historik” dhe tashmë ka mbjellë vdekje dhe shkatërrim në Karaibe.
