Një i moshuar ka ndërruar jetë aksidentalisht sot në Kolonjë.
Në Leskovik në vendin e quajtur “Ish-vreshtat”, dyshohet së është rrëzuar aksidentalisht nga pema, S. T., rreth 70 vjeç, i cili u transportua në qendrën shëndetësore, Leskovik, ku ka ndërruar jetë.
Ndërkohë policia e Korçës njofton se në Pogradec është zhdukur një vajzë 17-vjeç.
Nëna e saj është paraqitur sot në polici duke bërë kallëzim për zhdukjen e vajzës. Policia thotë se po punon për gjetjen e saj.
