Sekretari i Përgjithshëm i Partisë Demokratike, Flamur Noka, e cilëson një pengesë zvarritjen e çështjes gjyqësore që zyrtarizon kush e ka drejtimin e forcës më të madhe në opozitë.
“Zgjidhja e çështjes do t’i jepte avantazh shumë të madh PD dhe opozitës. “Kush po mban peng vulën, logon dhe këtë vendim për t’i dhënë zgjidhje ligjore çështjes? Edi Rama. Pse? Për të mbajtur regjimin e tij në këmbë, për të përçarë PD.”- u shpreh Noka.
Numri dy i PD beson se po të ishin të bashkuar dhe me pjesën tjetër të grupit parlamentar, beteja do të ishte më e lehtë.
Por ai beson gjithashtu se ka individë brenda grupit tjetër që bëjnë gjithçka për të penguar bashkimin e partisë me të gjithë grupin parlamentar. Për këtë, Flamur Noka thotë edhe emra.
