Barbara Doda kandidoi për të marr pozicionin e kreut të FRPD-së, por nuk ja doli. Pas një mori akuzash të hedhura nga Evi Kokalari se gara ishte rreme dhe listat e parregullta ka reaguar dhe Doda.
Njësoj si Kokalari dhe ajo ka hedhur akuza se lista e PD-së ishin të parregullta dhe se gjithë procesi kishte shumë mangësi.
“Gara për Forumin nuk plotësoi as kërkesat minimale për të qenë e tillë, sidomos ditën e votimit ku parregullsitë me listat e anëtarëve dhe numrin e votave janë të shumta.
Por përtej kësaj, e kishim kuptuar pothuajse të gjithë lojën që po luanim, një lojë e padrejtë dhe e pandershme, pa rregulla dhe standarte. Dua t’ju them që në moment që e kuptova, refuzova tërësisht të bëhesha palë e një proçesi që do dëmtonte strukturat dhe degët e FRPD-së. Tërhoqa 0 formularë për anëtarësime dhe nuk dërgova asnjë person në grupet e punës, që për mua ishin tërësisht të njëanshme. Për këtë gjë më besoni që së bashku me kandidatët e tjerë kemi trokituar në çdo derë të PD-së dhe nuk na u dha zgjidhje,” është shprehur ajo teksa ka bërë thirrje që primaret të zhvillohen si një proces model.
