Mbretëresha e Danimarkës ka kërkuar falje pasi ka hequr titujt mbretërorë të katër nipërve të saj, por nuk e ka anuluar vendimin.
Mbretëresha Margrethe II tha se ajo dëshironte që monarkia të “mbahej me kohën”, se vendimi i saj kishte marrë një kohë të gjatë dhe se do të “provonte të ardhmen” institucionin.
Vendimi fillestar u shpall javën e kaluar, për t’u vënë në zbatim vitin e ardhshëm.
“Titujt e princit dhe princeshës që ata kanë mbajtur deri më tani do të ndërpriten”, thuhet në deklaratën fillestare. “Kështu pasardhësit e princit Joachim do të duhet të trajtohen si ekselenca në të ardhmen.”
Princi Joachim djali i vogël i mbretëreshës Margrethe ishte i mërzitur nga ndryshimi.
“Nuk është kurrë kënaqësi të shohësh fëmijët e tu të keqtrajtohen kështu”, tha ai për Ekstra Bladet. “Ata e gjejnë veten në një situatë që nuk e kuptojnë”.
Nga fillimi i vitit 2023, katër fëmijët e Joachimit: Princi Nikolai, 23 vjeç, Princi Felix, 20, Princi Henrik, 13 dhe Princesha Athena, 10 vjeç – do të njihen me titujt Konti dhe Kontesha e Monpezatit në vend të Princit dhe Princeshës.
Pallati tha se ky ishte një “zgjerim natyror” i dëshirës së monarkut danez për të pakësuar monarkinë.
“Madhështia e saj Mbretëresha dëshiron të krijojë kornizën për katër nipërit që të jenë në gjendje të formësojnë jetën e tyre në një masë shumë më të madhe”, thuhej në deklaratën e javës së kaluar.
