Kryetarja e Qendrës për Liritë Civile, Oleksandra Matviichuk, organizata e së cilës së bashku fitoi Çmimin Nobel për Paqen të premten, ka bërë thirrje për një gjykatë ndërkombëtare për të sjellë para drejtësisë presidentin rus Vladimir Putin, presidentin bjellorus, Alexander Lukashenko dhe “kriminelët e tjerë të luftës”.
Në një postim në Facebook, Matviichuk tha se ishte e lumtur që qendra kishte marrë çmimin, së bashku me grupin e të drejtave të njeriut Memorial dhe avokatin bjellorus të burgosur Ales Bialiatski.
Ajo bëri thirrje që Rusia të hiqet nga Këshilli i Sigurimit i Kombeve të Bashkuara për atë që ajo e quajti shkelje sistematike të Kartës së OKB-së.
“OKB-ja dhe vendet anëtare duhet të zgjidhin problemin e ‘boshllëqeve në përgjegjësi’ dhe të ofrojnë një shans për drejtësi për qindra mijëra viktima të krimeve të luftës. Pa këtë një paqe e qëndrueshme në rajonin tonë është e pamundur”, shkroi Matviichuk.
