Moska goditi sot një termocentral në rajonin Vinnytsia për të dytën ditë radhazi.
Sky News shkruan se personat që panë të gjithë ngjarjen thanë se zona u godit nga dronët kamikaze të prodhuar nga Irani për të dytën ditë radhazi.
E fundit u raportua nga DTEK, kompania më e madhe e energjisë në Ukrainë, ku mbetën të plagosur gjashtë persona nga shpërthimi.
Edhe pajisjet energjetike u dëmtuan sërish, pasi ishte nisur puna për restaurimin e tyre.
Mijëra njerëz mbetën pa energji elektrike, ndërsa deri më tani vetëm një pjesë prej tyre iu është rikthyer furnizimi me energji.
Zëdhënësi i Kremlinit Dmitry Peskov tha se Shtetet e Bashkuara janë “de fakto” të përfshira në konfliktin në Ukrainë.
Gjatë një konference me gazetarët, Peskov tha se përfshirja e SHBA mund të shihet “me sy të lirë”.
“Shtetet e Bashkuara tashmë janë de facto të zhytura në këtë konflikt”, tha ai.
“Ne dëgjojmë deklarata nga administrata aktuale amerikane për planet e tyre për të vazhduar dërgimin e armëve dhe për të zvarritur më tej këtë konflikt, duke e bërë atë sa më të dhimbshëm për palën ukrainase”, pohoi Peskov.
Komentet e Peskov vijnë pasi Biden dënoi sulmet e së hënës në qytetet ukrainase dhe vazhdoi të premtonte ndihmën e SHBA-së për sigurinë duke përfshirë sistemet e avancuara të mbrojtjes ajrore.
