Braziliani i famshëm, Neymar mbërriti mëngjesin e sotëm në gjykatën e Barcelonës i veshur me kostum të zi dhe me syze dielli dhe shoqërohej nga prindërit e tij, të akuzuar edhe për këtë çështje.
Kulmi i këtij gjyqi pritet nesër të martën me seancën e Neymar. Sot, pas më pak se dy orësh seancë, lojtari, i cili u largua nga Barcelona në mënyrë të bujshme në vitin 2017 për në Paris Saint-Germain, u largua nga salla e gjyqit, me avokatët e tij që argumentuan se duhej të pushonte pasi luajti mbrëmë kundër Marsejës në Parc des Princes, në një takim ku shkëlqeu duke shënuar golin e vetëm për parisienët (1-0).
“Kur ai shënoi, unë isha tashmë në shtrat”, pranoi presidenti i gjykatës Jose Manuel del Amo.
Sulmuesi brazilian, i cili po mbështet presidentin e ekstremit të djathtë Jair Bolsonaro në zgjedhjet presidenciale të vendit të tij dhe do të drejtojë Seleçao në një përpjekje për të fituar Kupën e Botës të gjashtë, akuzohet për korrupsion nga prokurori dhe përballet me një dënim me burg prej dy vjetësh dhe 10 milionë euro gjobë, në këtë gjyq që do të zgjasë deri më 31 tetor.
