Zëdhënësi i Bashkimit Evropian, Peter Stano, ka thënë se BE-ja ka kërkuar nga Qeveria e Kosovës që vendimi për targat është më mirë të shtyhet për 10 muaj të tjerë.
“Prandaj, që nga fillimi i këtij procesi, ne i kemi rekomanduar Qeverisë së Kosovës që të vendosë një periudhë 12 mujore për ri-regjistrimin. Duke ndjekur të njëjtin arsyetim, tani po kërkojmë nga Qeveria e Kosovës që të shtyjë afatin ekzistues për 10 muaj”, tha Stano për RTV Dukagjinin.
“Kjo shtrirje do të mundësonte një fushatë informative dhe konsultime më thelbësore dhe gjithëpërfshirëse me popullsinë e prekur”.
Edhe zëvendës-ndihmës sekretarit amerikan të shtetit dhe të deleguarit special të ShBA-ve për Ballkanin Perëndimor, Gabriel Escobar, ka kërkuar nga ekzekutivi kosovar shtyrjen e vendimit për targat për një periudhë 10 mujore.
