Bella Hadid dhe Naomi Campbell ishin së bashku në Muzeun e Artit Islamik për një hapje ekspozite.
Njerëz të artit, modele dhe drejtues të industrisë së modës nga e gjithë bota, ishin në Doha dhe në kuadër të aktivitetit, folën për çështje të drejtësisë sociale, ndërsa u referuan gjerësisht edhe demonstratat e zhvilluara në Iran, me rastin e vdekjes nga Mahsa Amini.
Dy modelet që mbrojnë gjithmonë të drejtat e njeriut me deklaratat dhe veprimet e tyre, nuk mund të mungonin në eventin ku u shfaqën me veshje imponuese. Bella Hadid kishte veshur një fustan të zi dhe flokët i mbulonte me një leckë, e cila i referohej hixhabit, ndërsa Naomi Campbell nga ana e saj zgjodhi një krijim tërësisht të zi, i cili ishte zbukuruar me dizajne të ndryshme.
“Ndjej dhimbje të thellë për Palestinën dhe për vëllezërit dhe motrat e mia palestineze sot dhe çdo ditë. Nuk mund t’i lejoni vetes të bëheni të desensibilizuar për të parë jetën njerëzore të marrë. Ju thjesht nuk mundeni,” tha Hadid që është me origjinë nga Palestina.
